هيثم فهر التاجي يكتب: تحرير العرب عام ٢٠٥٠ من إحتلال ١٩٠٧
في بداية الأمر أتمني قراءة الموضوع لآخره وعشان كدا كتبته باللغة العامية ليصل لأكبر عدد ممكن للي يهمهم الأمر بشأن المنطقة سابقاً ولاحقاً .. أول حاجة حابب أنوه عنها بشأن فلسطيننا الحبيبة وخطة إحتلالها ومين اللي كانوا ورا الإحتلال وإتنفذ ازاي ومقاومة كدا يكون بأي طريقة
وكل دا هيكون في عدة سطور قليلة فقط :-
إحتلال فلسطين مبدأش من وعد بلفور ١٩١٧ زي ما ناس كتير فاهمة وعشان كدا آن الآوان إننا نتثقف صح هو بدأ بمؤتمر كامبل بنرمان اللي عقد من ١٩٠٥ إلي ١٩٠٧ بدعوة من حزب المخافظين البريطاني وكان برعاية بريطانيا وفرنسا وبلجيكا وهولندا وإيطاليا وأسبانيا وللعلم بالشئ هما مكنوش محددين اليهود بالإسم لإن مضمون الإجتماع هو زراعة جسم غريب خبيث بمنطقة الشرق الأوسط لإفتعال الصراعات به وعدم جعله هادئ طول الوقت وإنشغال مواطنيه بالصرعات مع الكيان الدامي الوليد عشان ميتمش الإتحاد ما بين العرب وبعضهم وينتفعوا بثرواتهم الطبيعية النادرة بشكل مطلق والتحكم بالغرب كقوة مماثلة لهم بعد إنهاء الإحتلالات وقتها .. واللي عرفوا بالمؤتمر دا وهو أثناء مباحثاته ووافقوا علي كل شروطه هما اليهود بعد ما خاب أملهم وخابت كل مساعيهم في إنشاء وطن قومي لهم من ١٨٢٠ تقريباً .. وياريت الإنجليز إكتفوا بكدا بعد وعد بلفور عام ١٩١٧ بإنشاء وطن قومي لليهود وبس دا عملوا مخطط تاني يخدم المخطط دا لإن بعد ما قامت ثورة ١٩١٩ بمصر ودي أول ثورة شعبية تعرفها المنطقة عبر تاريخها وقامت بدق ناقوس الخطر علي بريطانيا ومن معها لتجمُع الغني والفقير والمسلم والمسيحي والشيخ والشاب بها دا بالإضافة للسيدات بأول مرة بتاريخهم .. فتنبه الإنجليز بأن إسرائيل لا يمكنها إفتعال الصراع بمفردها مع الدول العربية إلا بتأجيج صراعات داخلية بكل دولة علي حدي عشان التفكك اللي هينتج عنه يخدم الصراع الكبير الصراع العربي الإسرائيلي اللي لازم يفضل ل ١٠٠ سنة علي الأقل انتي وإستنزاف ثرواتنا بشكل كامل والصراعات الداخلية دي عشان تتم ملهاش غير حلين ١- الفتن الطائفية بين المسلمين والمسحيين ٢- تكفير المسلمين لبعضهم البعض عشان ينتج عن دا إستباحة دماء وأموال بعض ودا مش هيتم غير بإنشاء جماعات دينية من الدين ذاته تنخر فيه كالسوس بشكل مخابراتي محكم .. وهنا يبقي المسلمين إتفككوا بصراعاتهم وقتلهم لبعض وبعد كدا تخرج الجماعات الدينية المتشددة بالإعتداء علي المسيحيين لتأجيج الفتن الطائفية وبعد كدا يبقي المسلمين والمسيحيين في صراع مع الجسم الغريب المغتصب لأراضينا الكيان الصهيوني .. وبعد دا كله المجتمع الغربي يدين ويشعر بالقلق من الناحية اليمين ويبيع سلاحه للمتصارعين دول من الناحية الشمال وبعد كدا يستولي علي الثروات والأموال اللي عينيهم عليها من ٢٠٠ سنة وبعد كدا يقسم الدول دي لدويلات متصارعة علي أسس عرقية ودينية ويسلموا إدارتهم للجسم الغريب اللي حطوه للمخطط دا من ١٩٠٧ .. طيب بناء علي دا كله فلسطين هتتحرر إمتي وإزاي ؟! فلسطين مش هتتحرر غير بشئ واحد بس من وجهة نظري المتواضعة وهو بالعمل علي وضع وثيقة كخطة مناهضة لخطة مؤتمر كامبل بنرمان ١٩٠٧ وتتضمن مبادئها آلية ووقت والوسائل المتاحة ل :-
١- تفكيك الصراع الإسلامي الإسلامي من قبل قادة العرب والرجال المخلصين بالمحاربة بالفكر والحرب علي ذلك الكيان المصطنع الدخيل علينا بالفتنة والتفكيك .
٢- تفكيك الصراع العربي العربي لنرجع أمة واحدة كما كنا قبل اتفاقية سايكس بيكو ١٩١٦ .
٣- تلقائياً سوف يكون وقتها الصراع كصراع عربي إسرائيلي غربي بدون شعارات أو مزايدات بل بالعمل علي أرض الواقع والغلبة سوف تكون لنا بإذنه تعالي .
غير كدا هيقعدوا ١٠٠ سنة كمان غير مكاسبهم مننا وخسايرنا منهم .
أتمني إني أكون لخصت الموضوع كله في عدة سطور بالشكل المطلوب لحضراتكم وأتمني أن يقوم العرب جميعاً بتدريس موضوع الصراع العربي الإسرائيلي بالشكل دا دون إختزاله في حرب ٤٨ و ٦٧ فقط بجميع المدارس والجامعات لتخرج لنا أجيال مثقفة يعرفوا الموضوع أوله إيه وآخره إيه يعرفوا لما ينتفضوا يبقي بينتفضوا علي إيه يعرفوا يعدوا لنا أجيال مثقفة واعية فاهمين هيعملوا ايه ويوحدوا بعضهم إزاي وإمتي وأوعدكم بإننا لو قومنا بالخطوات دي هنقوم بتحرير جميع بلادنا من الإحتلالات العسكرية والإقتصادية والصراعات الدينية والطائفية في غضون ٣٠ سنة علي أقصي تقدير لنقود العالم بأسره لإن دا مكانا الحقيقي اللي بيحاولوا يبعدونا عنه منذ قدم الزمن .
