رئيس "dmc" يوجه رسالة لعشاق السينما قبل انطلاق مهرجان القاهرة السينمائي

حرص الرئيس التنفيذي لمجموعة قنوات "dmc" هشام سليمان، على توجيه رسالة لمتابعيه قبل انطلاق مهرجان القاهرة السينمائي الدولي شكر فيها إدارة القناة والعاملين بها على دعم المهرجان ومن قبله منتدى شباب العالم، وذلك عبر حسابه الشخصي بموقع التواصل الاجتماعي "فيس بوك"، موضحا أنه يسعى لإعادة المهرجان لسابق عهده.

وكتب "سليمان": "عايز أقول حاجه من قلبي قبل افتتاح مهرجان القاهره السينمائي شكرًا لإدارة dmc لاختيارها دعم مهرجان القاهرة السينمائي، شكرًا لكل المبدعين والعاملين والموظفين وكل فرد في هذه المؤسسة، وشكرًا لإبداعكم في منتدي الشباب، وشكرًا لمجهودكم اللي بيحصل دلوقتي على أرض الواقع علشان يتحقق الحلم وينجح مهرجان القاهرة السينمائي الدولي".

وأضاف: "لن أخفيكم سرًا بعد كل سنين الخبرة اللي قربت من ٣٠ سنة،، أنا أعصابي بايظة ومرعوب ونفسي كل اللي بيحبو السينما مايستنوش لنا الغلط ويعرفوا إننا بنحاول نعمل مهرجان قوي يرجع لبداياته القوية، ادعو لنا إحنا هنعمل اللي علينا والباقي على ربنا ورغم توتري الشديد  بس برضو نهاركم سعيد ويومكم بيضحك".