مقاومت ایران محاصره اشغال سپاه پاسداران استان کرکوک را محکوم می کند

موقاوەمەتی ئێرانی دەستدرێژی وداگیرکردنی سوپای پاسدارانی رژێمی ملاکان ومیلیشیا تاوانبارەکانی سەر بە ئەوان بۆ کەرکوك بە توندی سەرزنشت دەکات، ئەم کارە دەستدرێژکارانە لە کاتێکدا جێبەجێ دەکرێت کە پاسدار قاسم سلێمانی سەرکردەی تاوانباری هێزی تیرۆریستی قودس، چەند رۆژێك لەمەوبەر لە سلێمانێ وبەغدا وناچەکانی دیکەی عێراق بووە وخەریکی پیلان ونەخشە داڕشتن بووە بەو ئاقارە.

کاری نامەردانەی سوپای پاسداران ومیلیشیاکانی مشەخۆری، بووە هۆی ئاوارەبوون ژمارەیەکی زۆری دانیشتووانی کەرکوك وناچارکردنیان بە بەجێهێشتن وچوونە دەروە لە شار.

راپۆرتەکانی هەواڵ ووێنە وفیلمی بڵاوکراوە باس لە ئامادەبوونی هادی عامری وئەبو مهدی موهەندیس، دوو مشەخۆری هێزی قودس لە هەڵمەت لە دژی کەرکوك دەکەن. بەڵگەنامە وراپۆرتی نۆکەرایەتی ئەم دوو تیرۆریستە، لە دەیەکانی 70 کاندا لەولایەنی موقاوەمەتی ئێرانییەوە خرایەڕوو.

ناوی ئەو دوو نۆکەرە لە لیستی 32000 کەس لە نۆکەرانی عێراقی سەر بە سوپای پاسدارانی ئێران بەچاودەکەوێت کە لەگەڵ کۆد وئاستی مووچەی مانگانە وژمارەی حیسابی بانکییان لە ساڵی 2005، لەلایەن موقاوەمەتی ئێرانییەوە، خرایە بەردەم بەرپرسانی نەتەوە یەکگرتووەکان وئەندامانی هەمیشەیی ئەنجومەنی ئاسایش وبەتایبەتی ئەمریکا و، لە کۆنفرانسێکی چاپەمەنیدا لە پاریس بە رای گشتیش راگێیندرا، لەو لیستەدا، ژمارەی ئەبو مهدی موهەندیس 3829770 وژمارەی هادی عامری 3829597.

موقاوەمەی ئێرانی لەکاتێکدا هاودەردی وپاڵپشتی خۆی بۆ گەلی کوردستانی عێراق وبە تایبەتی بۆ خەڵکی ئازارکێش وئاوارەی کەرکوك، دەردەبڕێت، داوادەکات دانیشتنێکی دەست بەجێی نائاسایی ئەنجومەنی ئاسایشی نێودەوڵەتی بۆ سەرزنشتکردن ورووبەڕووبوونەوەی ئەو دەستدرێژی وداگیرکردنەی رژێمی ملایان لە کوردستانی عێراق.

لە رۆژی 21 میهر، دوا بە دوای راگەیاندنی ئیستراتیجی نوێی ئەمریکای پەیوەست بە رژێمی ملایان ودانانی سوپای پاسداران لە لیستی تیرۆریستیدا، خانمی مریەم رەجەوی، سەرۆککۆماری هەڵبژێردراو لەلایەن موقاوەمەتی ئێرانەوە، جارێکی دیکە جەختی کرد لەسەر بڕینی دەستی رژێمی ملاکان لە ناوچەکە ودەرکردنی سوپای پاسداران ومیلیشیا مشەخۆرەکانیان لە عێراق وسوریا ویەمەن ولوبنان وئەفغانستان ورێگەگرتن لە ناردنی هێز وچەکەمەنی رژێم بۆ ئەو وڵاتانە.