أحمد شوبير يكتب: كل عام وأنتم بخير
■ اتحاد الكرة.. بجد نفسنا فى عيد وماتش أوغندا مش بعيد.
■ العيد فى الأهلى هل يحتاج لـ«خطيب»؟
■ طاهر فى العيد لابد أن يأتى بجديد فى الأهلى.
■ حسام البدرى.. كل عيد وأنت سعيد وعاوزين بطولة إفريقيا تعود.
■ الزمالك كل يوم فى عيد آخرها حكم المحكمة بإعادة مباراة الزمالك والمقاصة من جديد.
■ الدراويش.. العيد اتأخر عندكم كثيرا، إمتى الإسماعيلية ترجع تحتفل بالعيد؟
■ فى الفيوم.. المقاصة جعل طول السنة عيد.
■ إيهاب جلال..عملت أفراحا وأعيادا فى الفيوم شكلها السنة الجاية هتكون فى إسكندرية.
■ ميدو.. قضينا العيد مع ميدو اللاعب كثيرا، هل لسه العيد مع ميدو المدرب بعيد؟
■ حسام غالى.. هل تستمر أعيادك فى الملاعب عيد كمان ولاعيدك اللى جاى من على كرسى جديد؟
■ خالد عبد العزيز وزير الشباب والرياضة.. عيدك السنة دى عيدين، عيد قانون الرياضة وعيد بطولة العالم للسلة عقبال العيد الثالث بالوصول لكأس العالم.
■ هيكتور كوبر.. العيد فى بلادنا بيناديك ركز شوية هى خطوة، الله يخليك.
■ النصر والرجاء والأسيوطى.. عيدكم كان ساعة الصعود أتمنى أن يظل عيدا فى الموسم الجديد.
■ المصرى.. بمناسبة دخولكم المربع الذهبى اعملوا عيد كبير فى بورسعيد وأنا شايف الزينة بتتعلق من بعيد.