احتفالا بعيد الأم.. مالك عدلي: "أمي نامت على الأرض عشان تحس باللي أنا حاسس بيه في السجن"
قدم المحامي الحقوقي مالك عدلي، التهنئة لوالدته، بالتزامن مع عيد الأم الموافق 21 مارس، قائلًا: "كل سنة وإنتي والتراب اللي بتمشي عليه طيبين".
وكتب "عدلي"، في تدوينه على حسابه بموقع التواصل الاجتماعي "فيسبوك"، "الست اللي لما تعرف إنك بتنام على الأرض فترفض تنام على سريرها وتنام على الأرض برغم حالتها الصحية وسنها علشان تحس باللي إنت حاسس بيه في صمت ومتعرفش ده غير بعد 70 ليلة".
وأضاف: "متقدرش متبقاش ممتن لصلابتها لما كمان تبقى برغم بعدها عن السياسة والشأن العام همها إنك تاخد حقك وتكسب قضيتك وتعلن فخرها بيك دايما برغم إنك وفقا للطبيعي بهدلتها معاك.. الست اللي تستحمل رخامة زيارات السجون وتحافظ على ابتسامتها، وهيا بتشوفك علشان تطمنك، هيا أمك ومتقدرش متقولش في أي مناسبة ينفع تقولها كل سنة وهيا طيبة غير كل سنة وإنتي والتراب اللي بتمشي عليه طيبين".
عيد الأم هو احتفال ظهر حديثًا في مطلع القرن العشرين، يحتفل به في بعض الدول لتكريم الأمهات والأمومة ورابطة الأم بأبنائها وتأثير الأمهات على المجتمع.
