ولاد عصمت "مش إيد واحدة"
ما أحلى الترابط الأسرى واليد الواحدة، فيد الله مع الجماعة، الأسبوع الماضى نشرت عن ترشح عفت السادات فى مقعد شقيقه الشاغر بتلا الشهداء فى محافظة المنوفية، وتوقعت من الأحداث أن الأسرة خلفه، قبل أن يقرر زين شقيق عفت النزول أمامه منافسا له، قوم ينزل كريم ابن المرحوم طلعت منافسا لأعمامه عفت وزين، يا زين من أنجبت يا عصمت يا سادات.
هناك أغنية كتبها المرحوم سيد حجاب وغناها على الحجار فى مقدمة مسلسل "أولاد آدم"، إحنا نسميه أولاد عصمت، يقول فيها: "يا عم آدم ولادك متفرقين فى المتاهة"، الأخ وابن الأخ نازل يفتت أصوات عمه، أنا غير متعجبة الحقيقة؛ لأن قبل كده زين ومحمد المطرود من مجلس الشعب وعفت والمرحوم طلعت تصارعوا على مقعد تلا الشهداء قبل وبعد ثورة يناير، صراعات يتعمل فيها كتب، لدرجة جعلت عفت يفكر فى الترشح بالإسكندرية مرة شعب ومرة شورى، ورسب فى انتخابات الإسكندرية فرجع لمقعد مسقط رأس الأب فى تلا، هو الكرسى بتاع البرلمان ده فيه إيه وليه ولاد عصمت السادات مستقتلين عليه؟!
